جی ٹی روڈ پر شرطیں لگا کر ریس لگانے والے چنگ چی رکشہ ڈرائیوروں اور ون ویلر منچلوں نے حکومتی احکامات ہوا میں اڑا دیے
گکھڑ(محمد گلشاد سلیمی) جی ٹی روڈ پر شرطیں لگا کر ریس لگانے والے چنگ چی رکشہ ڈرائیوروں اور ون ویلر منچلوں نے آئی جی پنجاب اور سی پی او گوجرانوالہ کے احکامات کو ہوا میں اڑا دیا جمعرات اور جمعہ کی درمیانی شب ریس لگانے والے نشہ کے عادی ڈرائیور دوکانیں بھی لوٹ لیتے ہیں تھانہ گکھڑ پولیس قابو پانے میں ناکام گکھڑ کی معروف سیاسی سماجی شخصیت محمد طارق بھٹی نے سی پی او گوجرانوالہ کیپٹن ریٹائرڈ سید حماد عابد سے ملاقات کرتے ہوئے نشاندہی کی کہ جمعرات کی رات چنگ چی ڈرائیورز گوجرانوالہ سے شرطیں لگا کر ریس لگاتے ہوئے دربار بابا پیر شاہ آتے ہیں اور واپسی پر جی ٹی روڈ گکھڑ پر دوکانوں کے تالے توڑ کر نقدی اور دیگر سامان بھی لوٹ لیتے ہیں جس کا ثبوت گذشتہ طویل عرصہ سے جمعرات کی رات ہونے والی وارداتیں ہیں جس پر سی پی او گوجرانولہ نے آئی جی پنجاب کے جاری کردہ لیٹر کے مطابق تھانہ گکھڑ پولیس کو مذکورہ افراد کے خلاف کاروائی کے احکامات جاری کئے مگر گذشتہ جمعرات کی رات بھی حالت جوں کی توں رہی چنگ چی رکشہ ڈرائیور اور موٹر بائیکر ون ویلر رات گئے تک سڑک پر دندناتے رہے جبکہ تھانہ گکھڑ پولیس سی پی او گوجرانوالہ سمیت اعلی حکام کے احکامات پر عملدرآمد کروانے میں بے بس دکھائی دی
Leave your comment